Somerî kî ne? Mîratwer û peyrewên wan kî ne? 

Ev pirsiyar jî bi nîqaş û bi gengeşe ye. Ji lew re li gorî berjewendiyên demî û serdemî gelek dewlet xwedîtiyê li Someran kirine û li gorî wê “lêkolîn û lêgerînan” peyrewiya xwe ya Sumeran pêş ve birine. Lê hê jî ev gengeşî û nîqaş didomin.

Somer navê welatekî li Mezopotamyayê ye û ji gelê ku li wî welatî dijî re Somerî tê gotin. Di heman demê de ji bo zimanê wan jî Somerî tê gotin. Li gorî zanista dîrokê Somer, kevintirîn şaristanî ye. Li Somerê bingeha civaka îroyîn; li nava Someriyan bingeha pergala çînayetiyê, bingeha pergala ayîniyê, bingeha pergala felsefeyê û zanistê hatiye danîn.