BEHRA DIL

Ew behra dil e, ez im girav

Mehsîka zer e, ez im sûlav

Reng sorgul e, ez im gulav

Kahniya min e ez im delav

Ji bo min çem e ez im bendav

Ji dir pênûs ez im sîmav

Bihara min e ez im xunav

Mija debrê ye ez im mijav

Tîrêj û zeraq e ez im tav

Ew ronahî ye ez im çav

Çok û qudûm e ez im pêgav

Ew ji kezeban ez im hinav

Ew qumrî ye ez darbenav

Bi şan û nav e, ez im bê nav

Ji bo min av e ez im bejav

Ew bi qedr e ez im paxav

Ew cisaret e ez im pizav

Hêz qewet e ez im pertav

Ew suhbet e ez im silav

Roniya agir e ez im alav

Hîva şevê ye ez im şevav

Ew aqilmend e ez im xirexav

Şêrîna dê ye ez im gula bav

Bûme kember li bejna zirav.

M. S. Bîçer; sala 1960î li Farqînê çê bûye. Dibistana seretayî li gundê Korîtê xwendiye. Piştî qedandina dibistana seretayî, nexwendiye. Zêdeyê sih salan e girtî ye. Di zindanê da li ser ziman û wêjeyê dixebite. Dîwana li ber dest, berhema nivîskêr a duduyan e hatiye çapkirin.

Berhemdarî:

Stêrka Sêwî (Helbest), J&J, 2013 – Amed

Behra Bênav (Helbest), J&J, 2024 – Amed